Opresidente de la Xunta presenta os candidatos do PP ao Congreso e ao Senado, o partido que "garantiza a estabilidade", segundo Feijóo.
O presidente do PPdeG e titular do Executivo galego, Alberto Núñez Feijóo, reivindicou o "proxecto político e de país" dos populares fronte a "éxitos televisivos", na presentación dos candidatos ao Congreso e o Senado pola provincia de A Coruña.
Antes do inicio dos discursos, os asistentes gardaron un minuto de silencio polas vítimas dos atentados de París. Tamén na súa intervención, Feijóo fixo referencia a eles, condenado o terrorismo e trasladando a solidariedade ao pobo francés.
Ademais, acusou de "asasinato en serie" o acontecido e puxo en valor "o grande país no que vivimos". "A convivencia e a tolerancia acabarán por vencer á barbarie, ao terror e a morte," recalcou. Ademais, saudou "a actitude" do PSOE e Cidadáns polo seu apoio ao pacto contra o terrorismo yihadista.
Na súa intervención, e sobre as eleccións xerais, sinalou que o PP representa "unidade" nunhas eleccións "clave". "Ningún partido de esquerdas pode dicir que presenta un partido unido, temos o mesmo proxecto aquí que en Cataluña", apostilou. Das listas, destacou a renovación, pero tamén a experiencia de xestión".
PP, "ESTABILIDADE
Del PP, dixo tamén que é un partido que vai "máis alá de éxitos televisivos, dos estudos de gravación de televisión, e das frases doadas" e que supón "garantía de estabilidade". "Non podemos chegar para inventar a democracia", dixo alertando sobre outras formacións políticas.
Tras contrapoñer a política de Mariano Rajoy coa do expresidente de Goberno, José Luis Rodríguez Zapatero, defendeu que o PP "traballou para saír da recesión". "Non foi doado, pero pagou a pena", recalcou Feijóo, quen cualificou estes catro anos de "derrota a eses anos de dificultades".
Tamén instou os seus militantes a traballar para conseguir "unha maioría ampla" e garantir "a gobernabilidade". "Temos o reto da recuperación económica que empezou, pero non coroado, o reto da unidade do noso país", expuxo. "España necesita un goberno gañador", sentenciou.
"O MELLOR PARA ESPAÑA"
Pola súa banda, o presidente provincial do PP coruñés, Carlos Negreira, manifestou que o seu partido presenta un equipo formado por persoas "comprometidas".
Ademais, sinalou que o PP "é o mellor que lle pode pasar a España", recalcou. "O único que encarna unidade, economía e o proxecto común que necesitamos en España".
No acto, tamén interviñeron o cabeza de lista do PP ao Congreso pola provincia de A Coruña, Miguel Lorenzo, quen pediu "traballar" para obter a maioría e apelou á necesidade de "vender ben" as súas propostas. "Cando o PP colleu este país, estabamos en bancarrota", sentenciou.
Pola súa banda, a candidata ao Senado Paula Prado sinalou que o PP levará "a voz de Galicia" e defendeu que esta formación "merece" gañar as eleccións. "España está onde está grazas ao PP", recalcou ao erixilo como unha formación que "di a verdade" os cidadáns fronte a partidos "con falsas primarias".
