A Federación Rural Galega (Fruga) denunciou hoxe que a reunión mantida na pasada semana entre axentes do sector lácteo galego e o presidente da Xunta de Galicia, Alberto Núñez Feijoo, 'non serviu para nada, ao terminar a reunión anunciouse unha baixada nos prezos' por parte da industria.
'A presenza de Feijóo e a conselleira de Medio Rural, Rosa Quintana, non serviu para nada, agora convoca reunións e ao día seguinte anúnciase a baixada de prezos', criticou o voceiro da Fruga en Lugo, Elías Somoza, nunhas declaracións á Efe.
A pesar de que 'valoramos positivamente as reunións', lamentou 'a mensaxe baleira de contido' e reclamou ao presidente da Xunta a entrada en funcionamento de órganos interprofesionais como había hai anos, como a Mesa do Leite e o Observatorio Lácteo.
'É un mentirán cando di que apoia o sector agrario. Eliminou o banco de terras e aprobou unha lei de montes que permite forestar terras agrarias', afirmou Somoza.
A pesar de que 'valoramos positivamente as reunións', lamentou 'a mensaxe baleira de contido' e reclamou ao presidente da Xunta a entrada en funcionamento de órganos interprofesionais como había hai anos, como a Mesa do Leite e o Observatorio Lácteo.
'É un mentirán cando di que apoia o sector agrario. Eliminou o banco de terras e aprobou unha lei de montes que permite forestar terras agrarias', afirmou Somoza.
