Ao lugar acudiu persoal de emerxencias médicas, que non puideron facer nada por salvarlle a vida
Un traballador faleceu este xoves despois de recibir un golpe mentres cortaba árbores no termo municipal de Campo Lameiro, en Pontevedra.
Segundo os datos facilitados por fontes do 112 Galicia, ás 13,30 horas deste xoves o servizo de emerxencias recibiu o aviso de que unha persona sufrira un golpe mentres cortaba árbores no lugar da Capela, en Campo Lameiro.
A pesar dos esforzos do persoal de emerxencias mobilizado, non puideron facer nada por salvarlle a vida ao traballador, indicou o 112 Galicia.
Debido a este accidente, tamén foron mobilizados axentes da Guardia Civil.
