O Tribunal Supremo (TS) rexeitou o recurso presentado por José Carnero Fernández, coñecido como 'O Chucán', contra a sentenza do Tribunal Superior de Xustiza de Galicia (TSXG) que ordenou repetir o xuízo pola morte dunha prostituta, no cal este veciño de Sober (Lugo) foi absolvido por un xurado do delito de asasinato.
A sentenza do Supremo que rexeita o recurso de casación interposto polo 'Chucán' apunta que a presenza do cadáver na vivenda do acusado, a súa ausencia prolongada durante o tempo inmediato ao falecemento da muller ou a presenza de restos biolóxicos en prendas que foron intervidas no lugar dos feitos evidencian 'unha profusa actividade probatoria que debeu ser analizada'.
Un xurado popular absolvérao ao asegurar que 'non se chegou a acreditar que o acusado tivese intervención na morte de María Pilar Palacios'. O xurado argumentou a falta de 'probas irrefutables' para o seu veredicto de absolución e unicamente considerou 'acreditado' que o cadáver da vítima apareceu no domicilio, pero alegou ausencia de 'elementos' para a súa condena.
Desta forma, a Audiencia Provincial de Lugo absolveuno, en febreiro do ano pasado, do delito de asasinato ou do subdiario de homicidio. Non obstante, agora o Supremo apunta que non abonda 'a mera expresión da dúbida ou a lacónica expresión da falta de contundencia na valoración da proba', pois os feitos acreditados 'deberon aconsellar unha maior explicación da razón da convicción para non incorrer no mero decisionismo arbitrario sobre os feitos'.
AUTOINCULPACIÓN
Tras o veredicto e a sentenza ditada pola Audiencia Provincial de Lugo, José Carnero Fernández saíu en liberdade tras pasar máis de tres anos en prisión. Non obstante, días despois de quedar libre, en declaracións a varios medios de comunicación, 'O Chucán' recoñeceuse como autor da morte da muller, á que recollera nun club de alterne de Ourense e a quen conducira ao seu domicilio na localidade de Sober.
A Fiscalía e a acusación particular -en representación dun fillo da vítima e da súa nai- presentaron recursos de apelación que foron estimados polo TSXG, que en xuño do ano pasado, declarou nula a sentenza absolutoria e ordenou celebrar un novo xuízo contra José Carnero polo denominado 'crime de Sober'. O alto tribunal galego explicou que o xurado non argumentou 'minimamente' as súas dúbidas sobre a autoría.
Na vista de apelación polos recursos celebrada no TSXG, 'O Chucán' manifestou non se acordar 'de nada' do sucedido e desdíxose da súa autoinculpación, ao aseverar que non a matara e que entón estaba 'tolo'.
Entre os feitos probados, apúntase que o 14 de setembro de 2007 José Carnero desprazouse no seu coche dende Sober (Lugo) a Ourense para recoller á vítima nun clube de alterno no que traballaba, e trasladouna ao seu domicilio para manter relacións sexuais con ela.
O corpo da vítima, que fora golpeada cun obxecto contundente na cabeza, foi localizado na tarde-noite do día 18 de setembro de 2007, cando o cuñado do imputado e un veciño entraron na corte do domicilio do acusado a buscar penso para as galiñas.
Un xurado popular absolvérao ao asegurar que 'non se chegou a acreditar que o acusado tivese intervención na morte de María Pilar Palacios'. O xurado argumentou a falta de 'probas irrefutables' para o seu veredicto de absolución e unicamente considerou 'acreditado' que o cadáver da vítima apareceu no domicilio, pero alegou ausencia de 'elementos' para a súa condena.
Desta forma, a Audiencia Provincial de Lugo absolveuno, en febreiro do ano pasado, do delito de asasinato ou do subdiario de homicidio. Non obstante, agora o Supremo apunta que non abonda 'a mera expresión da dúbida ou a lacónica expresión da falta de contundencia na valoración da proba', pois os feitos acreditados 'deberon aconsellar unha maior explicación da razón da convicción para non incorrer no mero decisionismo arbitrario sobre os feitos'.
AUTOINCULPACIÓN
Tras o veredicto e a sentenza ditada pola Audiencia Provincial de Lugo, José Carnero Fernández saíu en liberdade tras pasar máis de tres anos en prisión. Non obstante, días despois de quedar libre, en declaracións a varios medios de comunicación, 'O Chucán' recoñeceuse como autor da morte da muller, á que recollera nun club de alterne de Ourense e a quen conducira ao seu domicilio na localidade de Sober.
A Fiscalía e a acusación particular -en representación dun fillo da vítima e da súa nai- presentaron recursos de apelación que foron estimados polo TSXG, que en xuño do ano pasado, declarou nula a sentenza absolutoria e ordenou celebrar un novo xuízo contra José Carnero polo denominado 'crime de Sober'. O alto tribunal galego explicou que o xurado non argumentou 'minimamente' as súas dúbidas sobre a autoría.
Na vista de apelación polos recursos celebrada no TSXG, 'O Chucán' manifestou non se acordar 'de nada' do sucedido e desdíxose da súa autoinculpación, ao aseverar que non a matara e que entón estaba 'tolo'.
Entre os feitos probados, apúntase que o 14 de setembro de 2007 José Carnero desprazouse no seu coche dende Sober (Lugo) a Ourense para recoller á vítima nun clube de alterno no que traballaba, e trasladouna ao seu domicilio para manter relacións sexuais con ela.
O corpo da vítima, que fora golpeada cun obxecto contundente na cabeza, foi localizado na tarde-noite do día 18 de setembro de 2007, cando o cuñado do imputado e un veciño entraron na corte do domicilio do acusado a buscar penso para as galiñas.
