Santiago Sastre, director xerente de Porsche en Vigo, explica como funciona a súa marca e cales son as súas ofertas que ofrece na semana da V Car Outlet en Ourense.
Cal é a cantidade de vehículos?
A nosa exposición ten entre vehículos novos e usados uns 12 coches de media, aínda que habitualmente movémonos cunha media de 15 coches de ocasión Porsche Approved e uns 8 vehículos novos.
Cantos modelos tendes? Algún que queira destacar?
Actualmente a gama de Porsche está formada polos seguintes modelos: 911, 718 cayman, 718 boxster, Macan, Cayenne, Panamera e Taycan. Dentro de cada unha delas hai distintas motorizacións e/o acabados, polo que a variedade é moi ampla. O que máis destaca en Porsche é que podes personalizar o teu vehículo con multitude de opcións. Este é un dos motivos polos que non temos moitos coches en stock de vehículos novos, xa que o cliente normalmente personalízao moito e traballamos con cotas de produción. É difícil destacar un modelo, xa que todos teñen a esencia da marca, unha marca deportiva e cunha gran tradición, mesmo nos modelos mais recentes como pode ser o Taycan 100% eléctrico, pódese sentir esa deportividade.
Qué características e innovacións teñen os vosos modelos?
A característica fundamental en todos eles é a deportividade, e a esa deportividade hai que sumar os acabados de alta calidade e un deseño que en moitos dos seus modelos son atemporales. Quen non é capaz de distinguir un 911 pola rúa, mesmo en modelos de máis de 50 anos.
Cales son os prezos e descontos?
Os prezos varían moito en función do modelo, da motorización e do nivel de personalización do vehículo segundo a elección dos distintos opcionais.
Cales son as revisións e garantías?
A garantía dun vehículo novo é de 3 anos actualmente. Pero o destacable en Porsche é que esa garantía pódese ir renovando ano a ano ata que o vehículo teña como máximo 15 anos de antigüidade. Esta garantía tamén é aplicable a todo vehículo usado vendido dende o concesionario, polo que por exemplo un Porsche con 4 anos, pode ser vendido cunha garantía Porsche Approved, e o cliente seguir renovándoa ata que o coche teña 15 anos ou 200.000 kms. En canto ás revisións, o máis normal é que se faga cada 30.000 kilómetros ou por tempo, pero tamén depende do uso do coche. Como mínimo deberíase revisar cada ano.
Cómo está o mercado de ocasión?
O mercado de ocasión, é un mercado en crecemento no noso segmento. Na actual situación do mercado onde se están traballando prazos de entrega longos nalgúns modelos de vehículos novos, ten cada vez mais relevancia, se a iso sumamos que calquera dos nosos vehículos teñen a posibilidade de ter garantía ata o décimo quinto ano, pois o vehículo de ocasión é unha alternativa moi interesante.
Qué valoración fai sobre o evento?
Este evento sempre é importante para nós, xa que para nós a provincia de Ourense sempre foi moi relevante, pois ao formar parte do Grupo Pérez Rumbao, sentímola como nosa. Doutra banda, é unha forma de achegar os modelos á cidade de Ourense, xa que o noso concesionario fisicamente está situado en Vigo. Por iso sempre tentamos estar nestas citas.
