Presencia verineses no campionato escolar superTmatik de cálculo mental. Tres alumnos do colexio CEIP Amaro Refojo, Gonzalo Vaz, Miguel Rivela e Leo Sanmiguel, alcanzaron o segundo, cuarto e sexto posto dun certame no que participaron 20.440 estudantes.
Os tres alumnos foron recibidos este martes polo alcalde da localidade, Gerardo Seoane, quen destacou que é "un gran orgullo para todos nós contar con tres verineses entre os mellores do mundo en cálculo mental".
Campionato superTmatik
As competicións superTmatik de cálculo mental trátase de campionatos de carácter mundial que se celebran a través de internet e no que participaron 298.550 estudantes de máis de 45 nacionalidades divididos en nove categorías. Na competición poden participar escolas públicas e privadas e conta cun compoñente didáctico e lúdico.
A clasificación realízase segundo o mellor tempo alcanzado polos participantes nos tres intentos cos que contan para solventar as 15 probas de cálculo mental ás que se afrontan.
