A sede da Federación de Mulleres Rurais de Ourense (Femuro) acolleu o inicio do programa de formación “Galegas Dixitais” para a dixitalización de mulleres. Este curso gratuíto comezou con 15 participantes, as que poderán adquirir coñecementos en coñecementos dixitais para o día a día, o traballo e os negocios.
A través de “Galegas Dixitais”, as mulleres participantes que completen a formación recibirán un ordenador portátil gratis e un título oficial acreditativo sobre os coñecementos adquiridos neste curso de 120 horas.
A formación, organizada por Beproject e ARA Formación, está a desenvolverse por toda Galicia. En Verín contan coa colaboración de Femuro e o programa está financiado por fondos Next Generation da Unión Europea e promovido pola Xunta de Galicia. “É unha oportunidade para aprender sobre dixitalización” anotan dende Verín sobre “Galegas Dixitais”, que se prolongará durante estes últimos meses do ano, sendo as sesións sempre en horario de 09,00 a 14,00 horas.
