O lume afectou a unha hectárea de monte baixo e foi necesaria a participación de dúas brigadas, dúas motobombas e varios axentes da Guardia Civil da localidade
A Guardia Civil de Cualedro (Ourense) detivo a un septuaxenario veciño deste municipio como presunto autor dun incendio forestal causado por unha queima sen autorización.
Segundo informou o Instituto Armado, o pasado xoves ás 19,00 horas foi detido J.P.M., de 72 anos e veciño de Cualedro, como presunto autor dun delito de incendio forestal.
Após realizar unha queima de restrollos sen autorización nos Muíños, no termo municipal de Cualedro, escapóuselle o lume e ocasionou un incendio que afectou a unha hectárea de monte baixo.
O incendio foi extinguido ás 20,30 horas do día da detención. Para iso, foi necesaria a participación de dúas brigadas, dúas motobombas e varios axentes da Guardia Civil de Cualedro.
