A cita celebrouse este mércores na casa consistorial
O Concello de Verín acolleu a mesa de comercio local coa finalidade de valorizar e promover o comercio de proximidade na vila.
Na cita estiveron María Isabel González, concelleira da área de Comercio Local; Santos Álvarez e José Ángel Rodicio, presidente e xerente da Asociación de Empresarios de Verín (Aever), e Blanca López, técnica da oficina municipal de información ao consumidor.
Os participantes deron a coñecer as actuacións comerciais para este ano, co que se pretende dinamizar e promocionar o comercio local, fidelizar a clientela e potenciar a súa imaxe a través de diferentes accións online e offline.