Monterrei

Monteval preparará aos empresarios de Monterrei no desenrolo dos negocios

Monterrei

REUNIÓN

Monteval preparará aos empresarios de Monterrei no desenrolo dos negocios

Acto de apertura dos dous cursos de formación organizados polo Grupo Monteval.
photo_cameraActo de apertura dos dous cursos de formación organizados polo Grupo Monteval.

La conselleira de Medio Rural presidió el inicio de las acciones formativas

O Grupo de Desenvolvemento Rural Monteval inaugurou onte en Monterrei dous cursos de formación de dinamización dos técnicos e do emprendemento. O acto de apertura estivo presidido pola conselleira do Medio Rural, Ángeles Vázquez, quen destacou que o Fondo Europeo Agrícola de Desenvolvemento Rural (Feader) "foi pioneiro en apoiar o emprendemento no rural, coa particularidade de que os proxectos desenvólvense dende abaixo cara arriba". Isto significa que é "a sociedade civil, as asociacións de calquera tipo e condición, os concellos e en definitiva a poboación no seu conxunto a que propón as actuacións a levar a cabo", matizou.

A titular de Medio Rural, que estivo acompañada polo director da Axencia Galega de Desenvolvemento Rural (Agader), Miguel Pérez Dubois, e a delegada territorial da Xunta en Ourense, Marisol Díaz, puxo en valor os datos deste GDR. Así, dixo que xestiona no período 2017-2019 un orzamento de 1,7 millóns de euros e que para a anualidade 2018-2019 xa ten aprobados un total de 40 solicitudes de proxectos de desenvolvemento rural, entre produtivos e non produtivos.

Ángeles Vázquez vinculou estas cifras co conxunto de fondos que moven os 24 GDR galegos, a través dos cales inxectáronse no período 2017-2018 preto de 20 millóns de euros en máis de 300 proxectos. Uns fondos que, remarcou, son "esenciais para o asentamento de poboación no rural".

Por último, a conselleira destacou os contidos destes cursos, centrados na importancia de crear oportunidades de negocio e de traballo no agro, así como en fomentar a innovación no rural. E rematou valorando que con este tipo de accións contribúese a "facer do rural un lugar atractivo para vivir".