A rexedora do Concello de Oímbra, Ana María Villarino Pardo, desprazouse no día de onte ata a capital compostelana para manter dous encontros de marcado carácter medioambiental
Así, coa directora xeral de Calidade Ambiental e Cambio Climático, Cruz Ferreira Costa, analizou as necesiades en materia de residuos do municipio. A directora xeral trasladoulle a posibilidade de establecer liñas de colaboración entre a Consellería e o Concello para mellorar a ratio de reciclaxe de residuos e promover unha cultura de economía circular nel.
O segundo encontro tiña como destinatario o director xeral de Montes, Tomás Fernández Couto. Enriba da mesa, "desgraciadamente para nós -explicou posteriormente a alcaldesa-, tratáronse varios temas relacionados coa vaga de lume do pasado verán, sobre todo en materia de recuperación do monte e búsqueda de alternativas para os produtores afectados polos mesmos", concluiu Villarino Pardo.
