O Centro de Desenvolvemento Rural Portas Abertas vén de anunciar a apertura do prazo para anotarse ao seu próximo curso de agricultura ecolóxica para o autoemprego, dentro do programa Itinerarios Integrados contra a Despoboación.
Dende a entidade informan de que calquera persoa que estea interesada neste curso, que se desenvolverá dende maio ata agosto, pode pasar polas oficinas de Portas Abertas para pedir información e poderán inscribirse sen ningún custo no curso ata o 14 de maio.
Neste próximo Itinerario Integrado, os formadores realizarán cos usuarios sesisóns de orientación laboral, acompañamento durante toda a formación, un curso de 40 horas de agricultura ecolóxica para o autoemprego e un curso de 10 horas de sensibilización ambiental e igualdade de oportunidades, algo que dende o CDR consideran importante na actualidade.
Este programa lévase a cabo a través do Programa Operativo de Inclusión Social e Economía Social (Poises) e está cofinanciado polo Fondo Social Europeo, con cargo ó programa operativo do mesmo nome.
