O Grupo de Desenvolvemento Rural (GDR) Monteval e o Centro de Desenvolvemento Rural (CDR) Portas Abertas da comarca de Monterrei traballan en conxunto por un mesmo obxectivo: potenciar a vida rural e ofrecer oportunidades de traballo e emprendemento nas aldeas.
Así o amosan Lucía Aparicio, orientadora laboral de Portas Abertas, e Ana Pardo, xerente da Asociación Monteval, quenes mantiveron unha reunión de traballo para retroalimentarse nas súas funcións e ofrecer as maiores alternativas de traballo aos usuarios de ambos centros.
A reunión fundamentouse nun programa que leva Aparicio, os Itinerarios Integrados contra a Despoboación, un proxecto que se pode complementar coas axudas que ofrece Monteval para o desenvolvemento rural. Na cita, Pardo explicou como poden optar a elas as persoas emprendedoras. Así, esclarecéronse dúbidas e o GDR acolleu a un futuro emprendedor que comezou o seu proxecto asesorado en Portas Abertas, un traballo en rede que busca darlle vida ao rural.
