Monterrei

O último premio Planeta estará nas Xornadas de Novela Histórica de Verín

Monterrei

LITERATURAC

O último premio Planeta estará nas Xornadas de Novela Histórica de Verín

Presentación na Biblioteca.
photo_cameraPresentación na Biblioteca.

O 25 e 26 de maio, a biblioteca organiza a primera edición dun ciclo que contará con autores de primeira fila do país

Os vindeiros 25 e 26 de maio, a Biblioteca Municipal do Concello de Verín, en colaboración con Saga (Sociedade Antropolóxica Galega), converterán a vila do Támega no epicentro cultural da novela histórica organizando a primeira edición das súas "Xornadas". O evento, que foi presentado na Biblioteca pola concelleira de Cultura, Emilia Somoza Basalo, a moderadora do evento, Noa González Sousa e polos xestores da centro, Vicente Rodríguez Justo e Aurora Prieto Tarrío, contará coa presenza de seis autores de primeira fila dentro deste xénero, entre os que se encontra o ganador do último premio planeta, Javier Sierra.

O principal obxectivo destas xornadas e realizar un achegamento a aspectos moito menos coñecidos dos autores deste xénero e ás temáticas históricas que os inspiran. Para isto, as xornadas contarán coa participación de reputados poñentes da máxima solvencia, con obras que avalan as súas teses, moi respectados no seu campo.

O salón de actos da Casa da Cultura acollerá o ciclo de charlas e mesas redondas durante os dous días.