O Concello de Vilardevós e a Consellería de Infraestruturas e Mobilidade veñen de firmar un convenio de colaboración polo cal se mellorará o abastecemento e saneamento do núcleo poblacional de Enxames. Neste proxecto inclúese a renovación das dúas Edar do lugar.
A actuación, a que se realizará en dúas fases, conta cun presuposto total de 1.131.452 euros. Nos vindeiros días comezaranse a realizar os procedementos administrativos para poder comezar a obra no menor tempo posible.
Manuel Cardoso, alcalde de Vilardevós, reuniuse con Ethel Vázquez, conselleira de Infraestruturas e Mobilidade, para estudar o traballo que se realizará en Enxames. “É unha grandísima nova para Vilardevós, levar a cabo unha actuación así Acabaremos cos problemas en Enxames”, asegurou Cardoso.
