Os cativos de Riós desfrutaron este luns da ludoteca móbil da Deputación de Ourense. Este servizo ofrece actividades de lecer para desfrutar dunha tarde de verán diferente no rural. A ludoteca móbil conta cunha zona deseñada para os máis pequenos -entre 3 e 7 anos- e outra para os maiores -de 8 a 14 anos-.
Entre as actividades que se están desenrolando atópanse atraccións inchables, unha zona interactiva, un toro mecánico ou unha festa da espuma con moita cor. Tras facer parada en Riós, o venres a ludoteca viaxará a Oímbra para concluír as actividades de verán do seu programa de conciliación familiar e laboral.
