Cronista local | Leitos dos ríos sen mantemento

Esta árbore leva meses no medio do leito do río da Baira de Nocedo, ao seu paso pola pista As Riscas (Xinzo de Limia), moi preto á súa desembocadura no río Limia. O estado xeral de mantemento destes ríos por parte da Confederación Hidrográfica é terrible, con refugallos, silvas e malas podas deitadas por todas partes, entorpecendo os caudais e contribuíndo a asolagamentos cando veñen as chuvias, como ocorre nestas datas. Outras árbores, como se aprecia na foto, teñen ramas partidas e é só cuestión de tempo que rachen de todo e caian sobre alguén de forma perigosa. Cómpre actuar xa antes de que ámbalas dúas partan de todo e sexa demasiado tarde.