Nesta actividade, que promove a área de Educación do Concello do Carballiño, e desenvolve a compañía de eventos culturais Xandobela, participarán aorredor de 150 alumnos.
O alumnado de 5º e 6º de Primaria do colexio público Calvo Sotelo participará este xoves nunha actividade lúdica educativa co gallo da conmemoración o 24 de febreiro do Día de Rosalía. Nesta actividade, que promove a área de Educación do Concello do Carballiño, e desenvolve a compañía de eventos culturais Xandobela, participarán aorredor de 150 alumnos.
Coa denominación de "Rosalía na voz da xente", trátase dunha proposta lúdica interactiva que procura achegar dunha maneira participativa a obra e figura de Rosalía de Castro.
A través dunha posta en formato de xincana, as educadoras propóñenlle aos nenos participantes unha serie de retos que van ter que superar de maneira rotatoria e cooperativa ao mesmo tempo, para resolver un enigma xa presentado.
