O vicepresidente da Xunta, Alfonso Rueda, apelou este luns á unidade política fronte á violencia machista, tras o crime do Carballiño (Ourense), e a "mellorar os protocolos policiais e de actuación política da Administración".
O vicepresidente da Xunta, Alfonso Rueda, apelou este luns á unidade política fronte á violencia machista, tras o crime do Carballiño (Ourense), e a "mellorar os protocolos policiais e de actuación política da Administración".
"Pero non busquemos outro culpable que a sociedade en xeneral", contrapuxo, preguntado sobre os antecedentes de intento de suicidio do detido e se se podería evitar con outro tipo de actuacións.
En declaracións aos medios, tras reunirse cos presidentes provinciais dos colexios oficiais de secretarios, interventores e tesoureiros da administración local galegos, destacou a decisión unánime no Parlamento de crear un relatorio que traballe para promover un pacto galego contra a violencia machista.
"Cando hai unha morte decatámonos do absurdas que son as discusións sobre cousas nas que temos que estar de acordo. Lamento moitísimo que ás veces a crua realidade nos devolva a unha situación brutal, pero fai máis urxente que en determinadas cousas, como esta, haxa consenso político", manifestou.
Ao tempo, celebrou que na semana pasada se puidese alcanzar este acordo no pleno.
"Ogallá servise para que non houbese ningunha morte máis. Sabemos que iso é moi difícil, por non dicir imposible, pero hai que facer todo o posible para que o número de mortes diminúa cada día máis. Ogallá algún día sexa cero, pero os políticos temos que poñernos de acordo", chamou.
