A Fábrica do Papel da Lavandeira, o Museo Etnográfico, A Fonte do Rei (Godás), o cruceiro e a ponte da Ponterriza e, finalmente, a torre medieval de Godás, formaron parte da ruta
Unha trintena de persoas participaron onte nunha andaina de 7,5 kilómetros polo sendeiro do río Arenteiro, entre o Parque Municipal e A Ponterriza. Esta iniciativa, promovida polo Concello do Carballiño en colaboración co Centro de Estudios Chamoso Lamas, tiña por obxecto poñer en valor este sendeiro e todos os lugares de interese etnográfico, arqueolóxico, histórico e paisaxístico que se atopan na ribeira do río. Así, a Fábrica do Papel da Lavandeira, o Museo Etnográfico, A Fonte do Rei (Godás), o cruceiro e a ponte da Ponterriza e, finalmente, o emprazamento da torre medieval de Godás, recentemente escavada.
O alcalde, Francisco Fumega, explicou a historia e o proxecto da Fábrica do Papel, e o presidente do Chamoso Lamas, José Luis Sobrado, e o arqueólogo Jorge Lamas, falaron sobre os achádegos na torre de Godás, así como a historia e a relevancia da ponte de Ponterriza na trasfega do viño do Ribeiro cara Compostela e as Rías Baixas en carros e cabalerías. Entre os asistentes á andaina estaba o concelleiro de Cultura, Diego Fernández e o portavoz de Alternativa Veciñal, Bernardo García.
