O Concello de Piñor organiza un ano máis a andaina e o trail polas terras deste municipio. A actividade está prevista para o próximo domingo, 13 de novembro, comezando a andaina ás 10,00 horas, mentres que o trail iniciarase ás 11,00 horas.
Os interesados en participar deberán acudir ao Campo da Festa do Arenteiro e desde alí farase un percorrido circular, co regreso ao mesmo lugar deste pobo de Piñor. O trazado a percorrer é de 14 quilómetros e de dificultade media.
A ruta pasa por diferentes pobos como Arenteiriño, Loeda, Vilanfesta, Piñor, Barrán e Arenteiro, destacando as pasaxes a carón de muíños e do río Arenteiro, resaltando a súa fervenza, a Fervenza do Peilán.
As inscricións poden realizarse a través da páxina de sportmaniacs.com e da APP Saudeter Live, ata o 9 de novembro, ás 23,59 horas, aboando 5 euros para a andaina e 10 para o trail.
