Carballiño, a poboación con máis habitantes trala cidade

O municipio do Carballiño consolida a segunda praza como concello máis poboado da provincia despois de Ourense, tras conseguir un padrón a 1 de xaneiro de 2020 de 14.089 habitantes, 62 persoas máis que as que figuraron no padrón do ano anterior. O dato foi comunicado polo Instituto Nacional de Estadística ao Concello do Carballiño, e ten carácter provisional, pois aínda queda por abrirse o período de alegacións, no que o servizo municipal do padrón agarda incrementar o número de persoas empadronadas. Tal e como sinalan os responsables municipais dase a circunstancia de que, según os datos de Estadística, o municipio carballiñés é o único que conseguiu incrementar a poboación neste último ano, superando ampliamente a outros concellos como Verín, que hai dous anos ocupaba o segundo posto provincial, e que agora ten 13.647 persoas empadroadas, ou O Barco, cuxo padrón é de 13.431 habitantes. As autoridades locais consideran que hai diversas circunstancias que contribúen a este crecemento. Entre elas, destacan a chegada de inmigrantes, sobre todo procedentes de Venezuela, ou a puxanza do sector industrial do polígono da Uceira e do parque empresarial, "sobre todo no relativo á oferta de emprego de grandes empresas, como son GRI Towers e DIZMAR, e a outras medianas e pequenas empresas instaladas na zona industrial", sinalan. Así mesmo, engaden os responsables do Concello do Carballiño que "tamén contribuíu a este incremento poboacional o traspaso de habitantes de municipios limítrofes da comarca, e apuntan que se debe "á oferta educativa, ao comercio e á hostalería locais, así como aos servizos municipais cos que conta o concello, como son as escolas deportivas, o conservatorio e a escola de música, entre outros. Tamén adquiren relevancia os programas de formación encamiñados a mellorar a empregabilidade das persoas desocupadas, segundo valoran as autoridades locais do Carballiño. O crecemento comezou no pasado ano Para os responsables municipais o feito de ser o segundo concello máis poboado da provincia débese a un conxunto de factores, ademáis dos nacementos, que axudan a consolidar este período de claro crecemento da poboación do municipio do Carballiño. Un período de incremento da poboación que comezou o pasado ano, onde se acadou un padrón de 14.027 habitantes, e que continúa este, con 14.089 habitantes, tras varios anos de caída. "Unha tendencia positiva que contrasta coa tendencia negativa anterior e a que mostran o resto dos municipios máis importantes da provincia", según valoran las autoridades municipales. O concello tamén ten previsto levar a cabo unha campaña animando aos residentes que aínda non están empadroados a que o fagan, tendo constancia dun bo número deles.