Os dous institutos de Educación Secundaria e o colexio público Calvo Sotelo, no Carballiño, e o centro de Primaria de Maside, organizan a vindeira semana as Xornadas sobre a muller, coa colaboración de varias institucións, sindicatos e organizacións non gubernamentais. A secretaria xeral de Igualdade en funcións, Carme Adán, será a encargada da conferencia inaugural, o vindeiro luns, ás 20.30 horas, na Casa da Cultura da vila carballiñesa.
Entre o martes e o venres, sucederanse mesas redondas, actuacións teatrais, espectáculos de rúa, obradoiros e a presentación da Marcha Mundial das Mulleres. O presidente da Unión do Pobo Galego (UPG), Francisco Rodríguez, falará de Rosalía e o descubrimento de Galiza no colexio de Maside e no IES Chamoso Lamas, na xornada matinal do 2 de abril.
A programación pecharase o día 3 de abril no Café 7 flores da vila do Arenteiro a partir das 23.00 horas, cun monólogo a cargo do grupo As Lerchas e un recital poético de Belén de Andrade e Chus Pato.
A programación pecharase o día 3 de abril no Café 7 flores da vila do Arenteiro a partir das 23.00 horas, cun monólogo a cargo do grupo As Lerchas e un recital poético de Belén de Andrade e Chus Pato.
