Esta fin de semana Cine Club Carballiño ofrece un ciclo de cine en colaboración coa Fundación Carlos Velo, centrado na obra do cineasta de Cartelle exiliado en México, onde fixo a súa carreira dentro do mundo do cinema, e tamén na obra da súa neta, Laura Gárdos Velo.
O ciclo comezou onte coa proxección do filme de Laura Gárdos, “Años después”, e continúa hoxe, ás 19,00 horas, cun documental realizado pola cineasta sobre a obra do seu avó, titulado “Vieiros”. Antes do documental proxéctase unha curta tamén de Laura Gárdos, “Somos pasajeros”. O ciclo remata o domingo, ás 19,00 horas, con outra curta “Chocolates Cortázar”, e a posterior proxección de “Enviado especial”, película inédita de Carlos Velo.
As entradas ao Auditorio Manuel María é de tres euros nos dous primeiros días, sendo gratuíta a sesión prevista para o domingo.