Axencia para a Modernización Tecnolóxica de Galicia (Amtega) completou a implantación de redes de nova xeración multiplicando por 10 a velocidade (con 100 Mbps) no colexio público Calvo Sotelo do Carballiño e noutros cinco centros educativos das provincias de A Coruña, Pontevedra e Ourense. A mellora destas infraestruturas de telecomunicación posibilita, ademais do incremento da velocidade de conexión, o acceso simultáneo dun maior número de usuarios e a posibilidade de traballar cun maior número de aplicacións informáticas.
O alumnado poderá ter un acceso máis efectivo á rede, sen esperas ou contratempos; poderán conectarse simultaneamente un maior número de usuarios e permitirá o funcionamento de máis aplicacións informáticas cun tempo de resposta adecuado.
