O Concello de Beariz executou obras de ampliación do salón de actos no CEIP Beariz, que é unha instalación de usos múltiples tanto para os alumnos do colexio como do resto dos veciños fora do horario escolar. A reforma executouse entre decembro do 2019 e xaneiro do 2020 por importe de 39.000 euros, consistentes básicamente na ampliación da superficie destinada a palco, preparando un acceso independente a este pola parte traseira.
Para iso, dividiuse a estancia destinada a vestiario – almacén e procedeuse a abrir un corredor que conecta o distribuidor de acceso ao salón coa sala de música. Ademais, desmontouse o falso teito e colocouse un novo e levouse a cabo a substitución de toda a carpintería metálica e a reforma eléctrica con luminarias tipo LED.
No ano 2013 o Concello de Beariz executara a primeira reforma para poder dispor dun salón de usos múltiples. O acondicionamento continuou no 2016 por parte da Consellería de Educación coa instalación de 200 butacas cun investimento superior aos 20.000.
