Acusan ao goberno local de ser "incapaz de atender o máis básico"
O grupo municipal do PSOE en Piñor afirma que o estado das pistas municipais é lamentable, criticando "a pasividade dun goberno bipartito incapaz de atender o máis básico". Engaden que recollen numerosas queixas veciñais pola existencia de fochancos nos camiños de responsabilidade municipal
"A veciñanza denuncia un estado xeralizado de desleixo e perigosidade que causa inseguridade no tránsito e danos nos vehículos sen que nigún dos dous alcaldes faga nada por atender o problema", matizan os socialistas referíndose ao alcalde, José Luis González, do Partido Popular, e ao socio de goberno, Uxío Rodríguez, de Veciños de Piñor. “Esixímoslle que se priorice o gasto no mantemento das estradas en detrimento doutros gastos superfluos", sinala o portavoz, Francisco Fraga.
