"Outro tipo de mercado fóra de Galicia é complicado porque en ningún sitio dan autorización para instalar o pote en plena rúa", estampa habitual durante as fins de semana en cidades como Ourense
Pulpeiros de Galicia levan o seu oficio secular e a tradicional receita do polbo "á feira" por bares e festas de Asturias e Castela e León, ademais de ir contratados por centros galegos de Barcelona e Zarauz (Guipúzcoa).
A presidenta da asociación de pulpeiros do Carballiño, Isaura González, explicou que entre as 25 familias que forman o colectivo, todas orixinarias do pobo de Arcos, varias son contratadas por centros galegos e manteñen a súa presenza en festas concretas fóra de Galicia, ao longo de sucesivas xeracións de pulpeiros.
"Outro tipo de mercado fóra de Galicia é complicado porque en ningún sitio dan autorización para instalar o pote en plena rúa", estampa habitual durante as fins de semana en cidades como Ourense, con potes e pulpeiras instalados en cruzamentos e parques, para cortar e vender porcións do polbo "á feira" ao prezo unificado de 6 euros.
Aínda así, o pulpeiro Iván López Sabarís leva dez anos no gremio, xunto coa súa parella, e segundo explicou Europa Press, é dos que se instala xoves e domingos en Ourense, no polígono industrial de San Cibrao e no barrio de Cruz Alta, "pero a competencia é moita e había que buscar novos mercados", así que hai ano e medio que comezou a desprazarse ata Ponferrada (León) durante as fins de semana.
"Non podes poñer na rúa así que teño un acordo con dous bares que teñen terraza e aí comezamos", relatou. En Ponferrada, cada sábado, coce, corta e aliña uns 40 quilogramos de cefalópodos e agora prepara o salto a Asturias para acudir a algún evento e en contacto con hostaleiros.
TRIUNFO EN ASTURIAS
En Asturias levan anos Emilia Rial Millán e o seu marido Gonzalo Garrido, de Cangas (Pontevedra). Rial indicou a Europa Press que despois de rexentar un supermercado e un bar, no ano 2009 decidiu sumarse como titular ao oficio que o seu marido desempeña dende 1966.
"Dende pequeno saíu a pescar polbo e logo preparábao para vender, e está a punto de xubilarse", e seguen acudindo os dous ás súas citas periódicas en Lastres (Colunga), Villaviciosa e Posada de Llanes (Llanes), todos en Asturias. Logo volven á casa e traballan en feiras habituais na costa próxima a Vigo, e así cada semana.
"Comezamos a ir ata Asturias ao aceptar a oferta dunha hostaleira de Oviedo, que quería contar con pulpeiros para completar os seus servizos aos turistas, e nos viños a buscar cando traballabamos no hotel Airiños, de Cangas", segundo Rial.
A Semana Santa deste ano pasárona entre o bar situado no porto de Lastres e outro en Villaviciosa, e para tres días levaron dende Galicia preto de 300 quilogramos de polbo que pasaron polo pote, cortaron e aliñaron coa combinación tradicional de sal, aceite de oliva e pemento.
"En Asturias coñecen o polbo guisado con patacas, pero a receita galega chámalles moito a atención e ten moito éxito", ha agragado, e eles véndena durante todo o ano. Así, o mes de setembro pásano entre as festas de Covadonga, en Posada de Llanes, e as de San Mateo en Oviedo, mentres que en xullo e agosto os mellores días son en torno ás festas de San Roque, e sempre co pote na entrada dun restaurante, ao que dan unha comisión.
A Emilia, "Meli, quédanlle dez anos de vida laboral que, segundo dixo, pasará como pulpeira, acompañada de Gonzalo, e completando as ganancias co que saque do que calceta nos tempos mortos.
