Sés: “Procurarei que non quede un concello sen unha actuación miña"

María Xosé Silvar, coñecida popularmente como "Sés", leva traballando como cantautora dende fai máis de dez anos, sen embargo, este sábado será a primeira vez que se suba a un escenario da comarca do Carballiño. Será na Insua dos poetas ás 20,30 horas. Se alguen índa non coñece a Sés, quen é? Unha muller apaixoada da música, non cantante, cantareira máis ben, cantautora ou compositora tamén. Entre todas as tatuaxes que ten, hai uns versos de Luz Fandiño que din "Quero sangrar as miñas feridas para liberar as arterias", ¿Por iso dedícase á música? A verdade é que son cantareira de casualidade , porque me apaixona a música dende cativa. Eu non me fixen cantautora, eu son cantareira por influencia xa da miña avoa, dende nena á miña familia gustáballe que eu aprendese a tocar a gaita e iso levoume cara a música tradicional e de aí fun brincando a outros ámbitos, pero dende logo a música para min é paixón e non tanto traballo. Así que non, non foi por iso, pero se agora o penso, por suposto que o que fago me libera, porque todas as paixóns cumpren esa función. Como persoa pasional, foi e es reivindicativa con temas como o nacionalismo ou o feminismo, isto pasoulle factura? Claro que sí, todo o que fas na vida ten unha repercusión pola que pagas un prezo. Por manifestarte págalo,sí, pero fágoo encantada. Todo o que sementas faiche recoller cousas distintas, pode ser que neste caso fosen vetos ou censuras pero tamén moitas cousas boas. A min esta transparencia o que non me fixo foi sentirme indiferente. Tamén hai quen non se posiciona e vive preso de intentar evitalo. Consideras que dentro da súa industria cada vez hai máis o papel da muller reivindicativa? Non. Considero que hai unha falsa sensación diso, non hai un avance; de feito, ata podería crer que hai unha evolución negativa. Hai cada vez unha maior obxetivización sexual. Estase creando unha imaxe polarizada do empoderamento, segue sen haber case mulleres instrumentistas, técnicas de son, de luces, mulleres en producción, mulleres firmando cheques... e non é por cuestión cuantitativa porque preparadas hainas. Cantareiras houboas sempre. O concerto deste sábado é o primeiro que fai na comarca do Carballiño. Sí? É certo que a provincia de Ourense é na que menos actuacións teño o longo da miña carreira pero non por nada, teño moitísimas ganas de facer máis por alí. É unha terra preciosa que acolle moi ben, de feito estiven na Insúa dos Poetas, onde vou dar o concerto, fai pouco recollendo un premio. Despois, a semana seguinte imos ó Castelo de Ribadavia, onde tampouco actuei nunca, así que con semellante enclave teño moita ilusión. Eu teño claro que morrerei matando, así que procurarei que non quede concello sen unha actuación miña. Como afectou a nova normalidade a estes concertos? Pois é o quinto que fago e en todos houbo cero problemas, a xente é moi respetuosa, o meu compañeiro guitarrista leva a máscara todo o tempo, mantéñense as distanzas... eu reivindico a cultura e a cultura pode e é segura, peor son os bares e as terrazas onde ninguén respeta nada e téñenno máis doado.n Onde: Insua dos poetas Cando: Sábado, 20:30