Cortegada acomete as obras de saneamento e tratamento das augas nos núcleos de Casares da Virxe, A Pousa, A Pereira e Vilaverde. O proxecto contempla enlazar as augas coa rede existente para posteriormente ser depuradas en Ponte-Trado.
Os traballos atópanse dentro do convenio entre Augas de Galicia, dependente da Consellería de Medio Ambiente, e o Concello de Cortegada, e que tamén inclúe as obras dos lugares de Pazo e Ponte-Trado. No núcleo do Pazo, estase a instalar unha depuradora que consta dun aliviadoiro de crecidas, unha arqueta de desbaste, un decantador-dixestor, una cámara de descarga, un leito bacteriano, un decantador-dixestor secundario e unha arqueta de control para a súa inspección antes da vertedura. Unha vez finalizada darase servizo a unha poboación de 182 habitantes.
Por outra banda, no núcleo de Ponte-Trado execútase un novo sistema de depuración cambiando parte do tramo final da rede de saneamento e afastándoo das casas habitadas.
Por outra banda, no núcleo de Ponte-Trado execútase un novo sistema de depuración cambiando parte do tramo final da rede de saneamento e afastándoo das casas habitadas.
