Os feitos ocorreron este mércores en San Cristovo
Un operario faleceu este mércores en Ribadavia ao caer dunha carretila tras sufrir unha posible indisposición mentres a manexaba, informan desde 112 Galicia.
Os feitos sucederon en Ribadavia, no lugar de San Cristovo, pouco antes das seis e media da tarde. Foi, a esa hora, cando un compañeiro do traballador contactou co 112 Galicia para dar conta da súa situación.
Dende Emerxencias Galicia solicitaron a intervención de urxencias sanitarias de Galicia-061, que mobilizou un helicóptero medicalizado para atender ao traballador. A pesar dos esforzos, non puideron facer por salvarlle a vida.
Tamén se avisou a Policía Local, Garda Civil e GES de Ribadavia.
