A vocalista da orquestra galega visitou a localidade do Ribeiro con motivo da Festa do Pemento
Este fin de semana a localidade ourensá da Arnoia celebra a súa Festa do Pemento. Unha celebración atípica na que a crise do coronavirus obrigou a readaptar o formato da festa gastronómica, cambiando a degustación que tiña lugar no recinto da Queixeira por unha ruta gastronómica a través dos establecementos da localidade. Entre as persoas que se achegaron ata Arnoia nesta primeira xornada destacan rostros coñecidos como o de Fátima Pego, a vocalista da orquestra Panorama. Pego degustou o producto estrela da Arnoia en compañía da súa compañeira de profesión, a cantante Tania Veiras.
A orquesta Panorama tamén se viu afectada polo covid-19, sendo unha das primeiras formacións que anunciou a cancelación da súa xira para este 2020 debido á imposibilidade de adaptar o seu espectáculo ao formato requerido pola nova situación.
Esta edición da Festa do Pemento contou con máis rostros coñecidos, como o da cantante galega Pili Pampín, quen se achegou ata a localidade ourensá para probar os pementos da Arnoia.
