O alcalde de Leiro, Francisco José Fernández, presentou ante a secretaria xeral de Familia e Benestar, Susana López Abella, e o delegado territorial da Xunta, Rogelio Martínez, un proxecto para a creación dunha residencia da terceira idade de 70 prazas. O rexedor popular fixo esta proposta no decurso dunha visita que López Abella e Martínez realizaron ó municipio.
O alcalde e os dous representantes autonómicos trasladáronse a olla-los terreos onde estaría previsto construir o centro xeriátrico, nunha parcela próxima a área de recreo do río Avia e que conta cunha superficie total de 5.000 metros. Francisco José Fernández sinalou que tanto a secretaria xeral coma o delegado amosáronse dispostos a estudar con rigor este proxecto, que consideraron ideal para Leiro. Neste sentido, Susana López destacou o número elevado de xente maior que vive non só en Leiro senón en toda a súa área de influencia.
Pola súa banda, Rogelio Martínez asegurou que dende a Xunta traballamos para aumenta-lo benestar dos nosos maiores e estudiaremos a viabilidade desta iniciativa. Finalmente, o alcalde anfitrión acompañou ós visitantes a outra parcela, xa adquirida polo Concello de Leiro para a posible ubicación dun centro de día, outra das infraestructuras que Fernández considera básicas para o municipio.
Pola súa banda, Rogelio Martínez asegurou que dende a Xunta traballamos para aumenta-lo benestar dos nosos maiores e estudiaremos a viabilidade desta iniciativa. Finalmente, o alcalde anfitrión acompañou ós visitantes a outra parcela, xa adquirida polo Concello de Leiro para a posible ubicación dun centro de día, outra das infraestructuras que Fernández considera básicas para o municipio.