Entre as 15,00 e as 21,00 horas deste sábado permanecerá o aviso amarelo na montaña e Sur de Ourense
A montaña e o Sur de Ourense, así como o interior de Pontevedra terán aviso amarelo na tarde deste sábado por ventos fortes con refachos que poden superar os 80 quilómetros por hora.
Segundo o Boletín de tempo meteorolóxico publicado por MeteoGalicia, unha borrasca moverase cara ao Norte ao longo do litoral de Portugal, provocando fortes ventos e chuvias sobre o litoral atlántico galego e zonas altas.
Así, entre as 15,00 e as 21,00 horas deste sábado permanecerá o aviso amarelo na montaña e Sur de Ourense e interior de Pontevedra por ventos do Sur con refachos que poden superar os 80 quilómetros por hora.
Ademais, tamén será amarelo o aviso por vento no mar de compoñente Sur forza 7-8 entre as 15,00 e as 21,00 horas nas Rías Baixas, Costa da Morte e Oeste da Coruña.
