O pleno do Concello de San Cibrao das Viñas chegou a un acordo polo que se aprobou definitivamente a modificación da ordenanza fiscal reguladora do Imposto sobre Bens Inmobles (IBI), rebaixándose un 0,03% o seu tipo impositivo, xa que non se presentaron reclamacións durante o prazo de exposición ao público. A presente modificación comezará a aplicarse o 1 de xaneiro de 2021.
O pleno da corporación, na sesión ordinaria que tivo lugar o día 29 de outubro de 2020, acordara por unanimidade dos trece concelleiros que forman a corporación local que o tipo de gravame para os bens inmobles urbanos será do 0,47 %.
Manuel Pedro Fernández, alcalde de San Cibrao das Viñas, tras lograr aquel acordo por unanimidade, celebrara a existencia dunha "oposición responsable", mentres os socialistas falaban de "compromiso y unidad frente a la pandemia".
