Haberá actos para os escolares dos colexios públicos Filomena Dato e O Ruxidoiro, e actos para público en xeral, con grandes artistas que amosarán traballos sobre a figura da homenaxeada nestas Letras Galegas 2018, María Victoria Moreno
O Concello de Barbadás dará o inicio mañá ao intenso programa de actividades para festexar o Día das Letras Galegas. Haberá actos para os escolares dos colexios públicos Filomena Dato e O Ruxidoiro, e actos para público en xeral, con grandes artistas que amosarán traballos sobre a figura da homenaxeada nestas Letras Galegas 2018, María Victoria Moreno.
Mañá venres, ás 12,00 horas, darase o pistoletazo de saída, co espectáculo "Pitusa Semifusa", na Biblioteca Municipal Olga Brañas, destinada aos alumnos do CEIP O Ruxidoiro. Xa pola tarde, ás 20,00 horas, o Auditorio acollará a Xardín Desordenado, co espectáculo "Victoria da Luz".
O vindeiro luns será a quenda dos alumnos do CEIP Filomena Dato, que terá unha sesión de contos de María Victoria Moreno.
As actividades continuarán o luns e martes da vindeira semana, e estenderanse ata o 25 de maio, cando Yolanda Castaño e Isaac Garabatos desenvolverán un espectáculo de poesía e música. O día 16 de maio, previo das Letras, haberá dous espectáculos no Auditorio, un pola mañá e outro pola tarde.