Alfredo Suárez Canal fixo das actuacións do seu departamento a principal mensaxe dun encontro con gandeiros en Maceda. Neste sentido destacou a incorporación de 4.000 xóvenes ao agro na última lexislatura. Tamén insistiu na necesidade de acudir as urnas o vindeiro día un.
A necesidade de acudir as urnas o vindeiro un de marzo, e os logros da última lexislatura en materia agraria foron os eixos do mitin do cabeza de lista do BNG por Ourense, Alfredo Suárez Canal, en Maceda.
O candidato nacionalista insistiu en que votar é un exercicio de afirmación da nosa racionalidade, o que nos diferenza como especie, e por iso conminou ao seu público a acudir as urnas o vindeiro un de marzo para non facerlle o xogo a esas forzas políticas que miden o seu éxito en base a unha grande abstención.
Durante un encontro con gandeiros da comarca, Suarez Canal salientou o traballo do BNG a prol da agricultura. O candidato nacionalista explicou que con decisión, firmeza, valentía e compromiso foi posible a dignificación social e profesional dos gandeiros. Neste sentido, salientou que dende o seu departamento (Medio Rural) na última lexislatura potenciaronse os investimentos en infraestructuras e o relevo xeneracional coa incorporación de máis de 4.000 mozos á agricultura e o Banco de Terras, entre outras actuacións que se comprometeu a rematar na vindeira lexislatura.
Suárez Canal detívose especialmente no cambio de dirección que se lle deu nestes tres anos e medio a todo o sector lácteo. Nunca unha administración estivo tan comprometida co mesmo, malia as limitacións competenciais. Superáronse relacións anacrónicas grazas ao contrato homologado e levamos a voz do noso país ao Estado e a Unión Europea.
O cabeza de lsita por Ourense fixo especial fincapé no que vai representar o decreto eólico para o medio rural, nomeadamente para o sector lácteo, pois vai dar, por primeira vez, a oportunidade ao cooperativismo agrario de obter beneficio do aproveitamento dos recursos galegos.
Revalidar apoios
Alfredo Suárez Canal concluiu reiterando a necesidade de revalidar o apoio ao BNG porque está o aval do seu traballo e porque no caso do medio rural non hai outro sector que estea tan necesitado de apoiar unha forza política propia ante as decisións tan importantes que se aveciñan.
O candidato nacionalista insistiu en que votar é un exercicio de afirmación da nosa racionalidade, o que nos diferenza como especie, e por iso conminou ao seu público a acudir as urnas o vindeiro un de marzo para non facerlle o xogo a esas forzas políticas que miden o seu éxito en base a unha grande abstención.
Durante un encontro con gandeiros da comarca, Suarez Canal salientou o traballo do BNG a prol da agricultura. O candidato nacionalista explicou que con decisión, firmeza, valentía e compromiso foi posible a dignificación social e profesional dos gandeiros. Neste sentido, salientou que dende o seu departamento (Medio Rural) na última lexislatura potenciaronse os investimentos en infraestructuras e o relevo xeneracional coa incorporación de máis de 4.000 mozos á agricultura e o Banco de Terras, entre outras actuacións que se comprometeu a rematar na vindeira lexislatura.
Suárez Canal detívose especialmente no cambio de dirección que se lle deu nestes tres anos e medio a todo o sector lácteo. Nunca unha administración estivo tan comprometida co mesmo, malia as limitacións competenciais. Superáronse relacións anacrónicas grazas ao contrato homologado e levamos a voz do noso país ao Estado e a Unión Europea.
O cabeza de lsita por Ourense fixo especial fincapé no que vai representar o decreto eólico para o medio rural, nomeadamente para o sector lácteo, pois vai dar, por primeira vez, a oportunidade ao cooperativismo agrario de obter beneficio do aproveitamento dos recursos galegos.
Revalidar apoios
Alfredo Suárez Canal concluiu reiterando a necesidade de revalidar o apoio ao BNG porque está o aval do seu traballo e porque no caso do medio rural non hai outro sector que estea tan necesitado de apoiar unha forza política propia ante as decisións tan importantes que se aveciñan.