Círculos concéntricos. En galego o pronome suxeito de primeira persoa do plural máis normal é “nós”. O único que coñecemos en Ourense. Aquí naceu a revista “Nós” hai cen anos, sen ir máis alá.
No norte de Galicia sempre din “nosoutros”. E hai unha zona intermedia onde combinan ambos dunha forma moi interesante e que debemos estender. Nós, a forma xeral e nosoutros unha aclaración particular dentro dese nós máis amplo. Así, diriamos, por exemplo, Nós, os galegos, como se tivésemos carreira, pero nosoutros, os de Ourense, catedráticos.
Lembran as pegatinas?