Os ceos amencerán despexados, pero a nubosidade irá aparecendo segundo avance o día
Galicia continuará este domingo baixo a influencia das altas presións que deixarán ceos despexados pola mañá, aínda que se espera que crezan nubes de evolución a medida que avance a tarde que poderían deixar choivas en zonas do interior.
Así, segundo a predición de Meteogalicia, os ceos amencerán despexados, con néboas en zonas de interior. Xa pola tarde, a provincia de Ourense podería rexistrar chuvascos illados.
As temperaturas irán en aumento, cunha sensación de calor que será máis intensa pola tarde. Deste xeito, os termómetros de Santiago, Ourense e Pontevedra poderían exceder este domingo os 30 graos. Os ventos soprarán frouxos variables, coa excepción do terzo norte, onde haberá nordés.
