O extinto clube ourensán é o duodécimo equipo de España que máis cartos debe. Concretamente, 1.060.000 euros.
O ámbito deportivo galego está representado no listado de morosos con nomes como o Club Deportivo Ourense SAD, ao que corresponde unha cantidade de 1,06 millóns, aproximadamente.
Tamén, con 1,19 millóns debidos, continúa formando parte da táboa Autos Lobelle, o concesionario de Nissan en Santiago, o dono da cal fundou o Club Autos Lobelle de Santiago Fútbol Sala en 1975 (actualmente Santiago Futsal, xa sen José Antonio Lobelle no club).
OUTROS MOROSOS GALEGOS
Entre outras sinaturas, das case 5.000 que contén o documento publicado por Facenda, figuran cunha cifra que sobresae con respecto ás anteriores a metalúrxica Acerías As Pontes, con 21,55 millóns (como en decembro).
Outras empresas galegas que están son Galega de Molienda de Clicker, con sede en Coirós (A Coruña) e dedicada aos cementos, con 6,82 millóns; a ferrolana Montaxes Industriais do Noroeste, con 4,39 millóns; a construtora e promotora inmobiliaria Vialmar Galicia, con sede en Vigo e uns 3,7 millóns; e Ferros e Laminado Añón, con 1,55 millóns.
