A campaña de regalo de libros do Concello chega a 8.400 escolares da cidade. Os ourensáns nacidos entre os anos 2002 e 2012 tiveron a posibilidade de achegarse a unha das 35 librerías e papelerías da cidade que colaboraron nesta iniciativa para escoller un libro da súa preferencia.
Para o Concello, a campaña "Un libro desconfina a túa imaxinación" foi todo un éxito. A idea principal desta iniciativa centrouse en fomentar a lectura entre a mocidade e posibilitar o seu acceso a todos os nenos e nenas. Ao mesmo tempo a campaña de regalo de libros tiña o obxectivo de axudar ao comercio local, especialmente ao sector libreiro, moi afectado polo peche decretado durante o estado de alarma. Con esta campaña o Concello de Ourense tamén quixo agasallar "o comportamento exemplar" dos máis xóvenes durante o confinamento e o curso escolar.
