A campaña de recollida trata de eliminar desigualdades durante a infancia dos nenos en risco social
Coa chegada do Nadal, Cruz Vermella ponse a traballar para que a ningún neno lle falte un xoguete novo do que poder desfrutar. A área de Xuventude está inmersa na súa tradicional recollida porque “non hai infancias de primeira nin de segunda”, apunta Adriana Diéguez, coordinadora provincial. Con esta premisa chaman á solidaridade dos ourensáns para que participen, especialmente neste ano marcado pola crise social.
A iniciativa enmárcase no proxecto de “Xoguete educativo”, polo que fan acopio nestas datas festivas e dan cobertura aos nenos da provincia que se atopan nunha situación vulnerable a través das nove asambleas provinciais. De momento, as consecuencias da pandemia fanse notar. "Costa máis conseguir colaboracións e non podemos celebrar eventos nos que cada ano se reocollían moitos xoguetes", lamenta. Pese a todo, os ourensáns non fallan. "Vivimos nunha provincia moi solidaria, polo que se crearon novas iniciativas de doazón", recoñece.
Neste caso están os establecementos que forman parte do CCA de O Carballiño, colaboradores ao igual que o Centro Comercial Ponte Vella e outras empresas privadas. Esta semana rematan os prazos para adicarse á parte loxística, a máis descoñecida e s que precisa máis tempo. "Encargámonos de recoller todo o doado e empregamos os días que faltan para o Nadal e entregalos", resalta Diéguez. Como parte do traballo de Cruz Vermella está o de selecciona o xoguete axeitado para cada neno pola súa ideade, sumándose a "unha loxística importante que continúa todo ano", indica Diéguez.
Os requisitos das doazóns seguen a ser os mesmos, especialmente que os xoguetes sexan novos, xunto a que non sexan bélicos nin sexistas e favorezan á educación dos máis pequenos. Cosneguir que se entreguen novos é a parte complicada, xa que os doantes excúsanse prácticamente en que non foron usados. "O concepto que temos claro é que deben vir directamente da xoguetería", afirma Diéguez. Isto axuda a que as crianzas non padezan as diferenzas por cuestións económicas e, nestes tempos de pandemia, é beneficioso para "garantizar a seguridade e a hixiene" deles.
