Declarado deserto o XXXVI Premio “Blanco Amor” de novela longa

O xurado do XXXVI Premio “Blanco Amor” de novela longa, reunido no Centro Cultural “Marco Valcárcel” da Deputación de Ourense, acordou declarar deserta a presente edición, ao abeiro da cláusula oitava das bases reguladoras da convocatoria, que establece que poderá declararse deserto o premio de non existiren obras de calidade adecuada a xuízo do xurado. O xurado estivo integrado por Luis González Tosar, presidente; Alba Cid Fernández, secretaria, e como vogais Xosé Carlos Caneiro, César Lorenzo Gil e Montse Pena Presas.