Florencio Delgado Gurriarán é o escritor número 59 ao que se lle adica o Día das Letras Galegas. En todos estes anos de historia, este é o décimo autor ourensán ao que se lle adica esta efeméride. En contraposición, o primeiro ourensán recoñecido foi na quinta edición, cando se lle concedeu ao poeta celanovés Manuel Curros Enríquez no ano 1967. Foi ao ano seguinte cando outro escritor nacido na provincia foi galardoado, neste caso foi Florentino López Cuevillas.
A estes séguenos Valentín Lamas Carvajal (1972), Vicente Risco (1981), Antón Losada Diéguez (1985), Ramón Otero Pedrayo (1988), Celso Emilio Ferreiro (1989), Eduardo Blanco Amor (1993), Eladio Rodríguez (2001), Xaquín Lorenzo, Xocas (2004), Carlos Casares (2017), e agora súmase Florencio Delgado Gurriarán, na edición de 2022.
