Celia Pereira presenta este serán unha obra que para ela supón moito. Participou na edición en galego de "O meu pecado mortal. O voto feminino e máis eu", publicación en castelán de Clara Campoamor que viu a luz en xuño de 1936. Con motivo do 88º aniversario da aprobación do sufraxio feminino, Pereira presenta esta edición de Galaxia na casa de Otero Pedrayo, en Trasalba a las 20,30 horas. "Esto ten un sentido porque él estivo presente no intento de non facer efectivo o sufraxio feminino o 1 de decembro de 1931 e votou a favor das mulleres", conta a editora.
No prólogo que redactou esta avogada, recolle a situación vivida nos tempos de Campoamor na II República dende unha contextualización galega. "O 1 de decembro catro galeguistas votaron a favor do sufraxio feminino, outros como Basilio Nóvoa Santos ou Laureano Gómez Paratcha eran contrarios. Todo refléxase no libro", sinala Celia Pereira.
A historia de Clara Campoamor nestas páxinas recolle moito más que datos autobigráficos. "Conta moitas cousas, é unha reivindicación do seu traballo, dunha muller con moita determinación", comenta a editora, que describe a Clara Campoamor como "muller dun gran talento, tesón e valente". Nestas páxinas recóllese todo o que supuxo para Campoamor a loita polos dereitos das mulleres tanto na súa vida pública como privada."O seu enfrontamento con Victoria Kent foi motivo de escarnio, que se sumou ás ameazas constantes", destaca Pereira.
A idea de traducir esta obra ao galego naceu en Pereira no 2001 cando atopou o libro en Granada, xa que non estaba dispoñible. "Érame inconcebible que un libro tan potente e infrecuente non estivese publicado en galego", afirma.
Figura clave da loita pola igualdade
Celia Pereira, que exerce como avogada, de sempre defendeu as causas inxustas. "Por esto me decidín a estudar Dereito e encontreime coa paradoxa de que moitas cousas recóllense e non se cumpren, como a igualdade salarial", comenta Pereira. A loita polos dereitos das mulleres levárona a Clara Campoamor, unha figura clave para o feminismo. "Era unha muller moi culta que conta con moitas recopilacións de artigos ideolóxicos, é imposible non seguila", sinala a avogada.