O sistema de climatización mediante ventás con cámara de auga deseñado por dúas alumnas do Colexio Guillelme Brown de Ourense levou o primeiro premio da 'Galiciencia 2010', a feira científica organizada pola Tecnópole. Este proxecto foi o gañador da categoría de segundo ciclo da ESO e gañador absoluto por impoñerse en puntuación aos dos outros dous equipos premiados, o de primerio ciclo da ESO o de Bacharelato. En total, participaron 17 proxectos (12 de Ourense).
O obxectivo do proxecto gañador, presentado por Ana Esteban Baloira e Uxía Fernández Bustillo, é atopar un método mediante o cal se poida controlar a temperatura da estancia dunha vivenda usando auga nas ventás. Para isto utilízanse ventás con dobre cristal que dan lugar a unha cámara intermedia que se enche de auga. Dependendo da temperatura exterior, do grao de insolación e da tintura que se empregue no circuíto pódese modificar o confort.
Polo que respecta ao proxecto gañador na categoría de 1º ciclo da ESO, consistiu na realización de medidas da resistividade dun material, a mina de lapis, formada por unha mestura de grafito con outras substancias. O traballo foi realizado por Paloma Bravo Bueno e Belén Martín de Vicente, do Colexio As Acacias (Vigo).
Os gañadores na categoría de Bacharelato foron Nuria Sánchez Monasterio e Andrea García Sagastibeltza, de La Anunciata Ikastetxea ( Guipúzcoa). O seu traballo consistiu na análise física, química e microbiolóxica da auga do río Zubitxo e a calidade da paisaxe dos seus arredores.
Todos os premiados levaron un ordenador portátil.
Polo que respecta ao proxecto gañador na categoría de 1º ciclo da ESO, consistiu na realización de medidas da resistividade dun material, a mina de lapis, formada por unha mestura de grafito con outras substancias. O traballo foi realizado por Paloma Bravo Bueno e Belén Martín de Vicente, do Colexio As Acacias (Vigo).
Os gañadores na categoría de Bacharelato foron Nuria Sánchez Monasterio e Andrea García Sagastibeltza, de La Anunciata Ikastetxea ( Guipúzcoa). O seu traballo consistiu na análise física, química e microbiolóxica da auga do río Zubitxo e a calidade da paisaxe dos seus arredores.
Todos os premiados levaron un ordenador portátil.
