"Os resultados dannos moita esperanza de cara ás municipais", sinalou Luís Seara
Desde o BNG, valoraron ter "duplicado" o número de votos nas eleccións xerais en Ourense, "Os resultados dannos moita esperanza de cara ás municipais, demóstrase que o BNG está claramente en remontada, como percibimos durante a campaña", sinalou Luís Seara, o responsable comarcal e candidato á Alcaldía, que tras a campaña notou que "se nos está achegando xente, e nas municipais, onde somos referente, melloraremos".
O candidato pola provincia ao Congreso, Iago Tabarés, destacou que "duplicamos os votos" e acadouse o obxectivo de "frear á dereita". Asemade, Tabarés considera que estas eleccións suporán un "punto de inflexión" para o BNG. A parlamentaria Noa Presas mostrou a "insatisfacción" polo resultado para os intereses de Galicia, se ben matizou que o BNG ten apoio "in crescendo".