“Na madurez a felicidade é de cor verde pero na xuventude é amarela"

A artista Mónica Alonso expón a obra "Todxs somos Únicxs" na Sala Alterarte del Campus de Ourense. Trátase do resultado dunha investigación artística na que contou coa participación dos alumnos do Campus de Ourense sobre a interpretación cromática de varios conceptos. A artista galega ten experiencia internacional con exposicións de diferentes obras en Chile, México e Italia. Todxs somos únicxs estrenouse o 6 de marzo, pero con motivo do inicio do estado de alarma paralizouse. Agora volve estar aberta ao público hasta o día 23 de outubro. Cal foi a inspiración para empezar este proxecto? Dende un principio quixen facer partícipe á comunidade universitaria. Tamén quero que a arte contemporánea se achege á xente máis nova. Tamén quero que se achegue a outras disciplinas nas que se pode pensar que a arte contemporánea non está neste tipo de investigacións. Ademais tamén quixen transmitir que os alumnos poden participar na elaboración dunha obra contemporánea. Como foi a acollida do alumnado para participar nesta iniciativa? Os alumnos tiveron unha resposta moi boa. Tiñan que cubrir un cuestionario no que respondían a preguntas como: como te defines?; existe algunha cuestión que che preocupe?; en que cres que eres único?; tamén tiñan que asociar conceptos como felicidade, amor, odio, saúde, enfermidade ou éxito cunha cor. Ademais, pedínlles que fixeran unha descripción do seu cuarto de estudo e do seu espazo ideal. Despois, eu fun facendo os debuxos seguindo os resultados dos cuestionarios. Na exposición pódese ver tanto a descripción que fixeron os alumnos, como o debuxo resultado da miña interpretación. Ademais está incluida unha listaxe con todas as descripcións que os alumnos fixeron ao responder á pregunta de porqué son únicos. Hai elementos en común nas respostas que deron os alumnos sobre os conceptos? Levo traballando na percepción cromática e é moi curioso que hai unha preferencia maior pola cor amarela entre a xente xove. Por exemplo, na madurez a felicidade asóciase coa cor verde e na xuventude co amarelo. Tamén forma parte da exposición a obra CZ12, un cuadro de cor azul porque é a cor preferida para moitas variables. Para os alumnos, este proceso tamén serviu para autocoñecerse mellor? Si. A través das respostas do cuestionario e das cores que asociaban, eu facía unha valoración da personalidad de cada un dos alumnos. Continuei facendo máis preguntas aos participantes que quixeron seguir e así chegamos a completar un total de dez perfiles que tamén forman parte da exposición. Que conclusións sacou desta investigación? Por un lado gustoume a elección do tema cromático porque vin preferencias polas cores máis claras e sírveme para o meu traballo sobre a percepción cromática en diferentes grupos sociais. Pero, tamén me serviu para ver o perfil e inquedanzas dos estudantes. Moitas veces pensamos que teñen unhas preocupacións e despois son outras. Neste estudo refléxase que o futuro, a familia e a amizade son conceptos moi importantes para os alumnos. Como afectou á exposición o parón provocado pola pandemia? Cando se decretou o estado de alarma a mostra quedou suspendida e toda a teoría e enerxía da montaxe quedou un pouco paralizada. Tamén agardábamos que houbera visitas do alumnado e dos profesores. Esperemos que se retome ese interese e se potencie esa parte máis didáctica e activa da exposición.