Un total de 1.004 menores de 21 anos da provincia -3.116 de Ourense e da área de Pontevedra- poden viaxar xa de balde no autobús interurbano coa súa tarxeta ‘Xente Nova’ un mes despois da implantación deste dispositivo.
A tarxeta é unha iniciativa social que a Consellería de Insfraestruturas e Mobilidade puxo en marcha no ano 2016 nas áreas de transporte metropolitanoco co obxectivo de permitir a súa gratuidade para os menores de 19 anos, pero xa foi ampliada ata os 21 anos .
Encabezan o número de usuarios os mozos e mozas da cidade, con 497 dispositivos rexistrados, seguidos dos seus veciños de Barbadás, con 229, sendo precisamente o traxecto máis utilizado o Barbadás-Ourense e volta.
A implantación total do Plan de Transporte Público significará ademais estender ao conxunto dos usuarios do autobús interurbano da provincia de Ourense as vantaxes da Tarxeta de Transporte Metropolitano (TMG), ata cun 10 por cento de desconto para todas as viaxes. A posta en marcha do Plan de Transporte Público en Galicia, no que a Xunta ten previsto investir máis de 70 millóns de euros ao ano para o seu mantemento, inclúe máis paradas e servizos, e tamén supón aplicar unha tarifa homoxénea en toda Galicia, soamente en función do número de quilómetros dos traxectos.