Os alcaldes de Barbadás, San Cibrao e Taboadela e o tenente alcalde de Toén participaron onte na presentación do obradoiro de emprego "Concellos Rurais da Comarca de Ourense". O orzamento deste proxecto, sufragado pola Xunta, ascende a 415.000 euros.
Este plan de formación céntrase na instalación e mantemento de zonas verdes, así coma no control de pragas, enfermidades, malas herbas e fisiopatías. O alcalde de Barbadás, Xosé Carlos Valcárcel, valorou a unión dos concellos, "xa que sen ela non sería posible este obradoiro".
A súa directora, Rosa María Basalo, destacou unha especialidade formativa que capacita para o traballo cualificado en xardinería. Para o proceso de selección valorouse a inclusión social, o tempo de desemprego, a situación familiar e o entorno.
